La grîje du Palijû…
… ène fame qui toûrnot lès viyadjes. In côp, i n' lî avint nin v'lu d'ner ène charité. Ele avot avoyé des peûs. I l'è sté dé in curé.
Il è pris in peû èt il è clawé ou mèr. Et la sorcîre è k'mincé a souwer come lu peû. Ele èst dvu v'nu d'mander pardon.
Avoyer in laid sôrt
Ele passot èt ele è d'mandé ène jate du cafè. (Il ont ruspondu): «Quand vous r'vêrez, da, Gènîye».
Quand ele è r'passé, i n'astint nin la.
Ele luzî è avoyé des peûs. I s' dusmoussint au d'bout du courti. I lâvint leû cotes. I l' è r'mètint dès ôtes. Mais i ratrapint dès peûs.
I l'ont d'vu nn'aler dîre pardon a l' sorcîre.
Des pas su l' gurnî
In ome qu' oyot toudi des pas ou gurnî.
Lu curé è v'nu r'bèni la tchambe èt i gn-è pus rin yu.
Ene fame qui lîjot des mauvaîs lîve…
…èt qu'alot fer′ embèter mossieû l' curé.
Quand les gendârmes ont sté v'nu pou l' apisser èle est tournè à tchèt. I gn avot qu'un gros marcau qui les rwêtot.
Ene fame qui v'not toûrner les viyadjes…
…et voyot des laîds sôrt. Des gendârmes l' avint ratindu a l'ôrèye du bwès. Quand i v'lint lî mete la mwin d'ssus èle astot spitêye 10 m pus lon.
Ci tecse cial, c' est on rcopiaedje, lete po lete, di notes prinjhes å-z ôre des racontroûles di temoens (voltî ramexhnés pa Aline Brôlet, li mame do scrijheu. Li prumire di ces spoûles ci (li grijhe di Palijhoû) a stî eployeye dins l' novele C’ est todi l’ aiwe ki doime ki neye.