I.
Èm binamêye
A l' boune anêye
Cora-st evoye
Sins k' dji nel soeye.
Fåt do coraedje
Po s' mete e manaedje;
Les femes d' asteure
Ni dnèt pus leu cour.
II.
Ni creyoz nén
Ki dji vs ratind !
Ene vicåreye,
Ci n' est nén ene veye.
Çki dji vs a dné
Di m' foice d' inmer !
Dj' a seré m'-n ouxh;
Vos nd åroz puch.
III.
Ça m' riplait bén
D' vey passer l' tins
Sins dji n' m' ecoure
Foû d' vos mwais toûs.
Våt mî tot seu
K' l' infier a deus.
Nosse vicåreye,
Ç' n' esteut nole veye.
IV.
Mi ptite måjhon,
Mes ptits cassons,
Ç' esteut por mi
On paradis;
Mins, cwand dj' î tuze,
Ké niche cambuze
Cwand vs î moennîz
Vos ahoûlreyes.
V.
Vos vlîz sayî
Minme di m' touwer !
Mi, dj' end a d' keure
Di vs vey dizo tere.
Ni rovyîz nén
L' djoû å matén
Cwand vos m' mostrîz
L' coutea d' botchî
VI.
Vs n' ôz k' fé d' rivni;
Dji n' vos vou pus.
Vos ploz tchoûler
A vs î neyî
Dji croe k' les poyes
Et les gurnouyes
Åront des dints
Cwand dji vs rinmrè bén.
VII.
K' i plouve, k' i bijhe,
I fåt k' vos vnîxhe
So l' soû di m'-n ouxh
Djouwer l' otruche.
Vos m' inmrîz co ?
Vos m' vôrîz co ?
N' boerlêyroz pus ?
Èn broyroz pus ?
VIII.
C' est l' vraiy k' on s' inme !
Intrez cwanlminme !
N' avoz nén fwin ?
La ene crosse di pwin !
Dj' a yeu des rmoirds
Après vosse coir;
Sayîz mes bresses
Po ctchessî l' froed !
Èm binamêye cora-st evoye
Ciste ouve ci egzistêye eto divins ds ôtès ortografeyes : Feller (mwaisse modêye) — Feller (accint d' Årvaye, CW).Èm binamêye cora-st evoye
Èm binamêye cora-st evoye