Ma bin-in.mêye
À l' bone anêye
È couru vôye
Sins qu' dju nu l' sôye.
Faut du coradje
Pou s' mète a mènadje;
Lès fames d'asteûre
Nu d'nèt pus leû coeûr.
Nu crwayèz nin
Quu dju v' ratind!
Ène vicaîrrîye,
Ç' n'èst nin ène vîye.
Ç' quu dju v's-aî d'né
D' ma fwâce d'in.mer!
Dj'aî sèré m'n-uch;
Vous 'nn' aurez puche.
Ça m' ruplaît bin
D' vèy passer l' timps
Sins qu' vôye dju n' coûre
Fû d' vôs mwaîs toûrs.
Vaut mî tout seû
Qu' l'enfêr à deûs.
Nosse vicaîrrîye,
Ç' n'astot nin ène vîye.
Ma p'tite maujon,
Mès p'tits cassons,
Ç'astot pour mi
In paradis;
Maîs, quand dj'î tûze,
Qué niche cambûse!
Quand v's-î mon.nîz
Vôs-a.oûlerîyes.
Vous v'lîz sayer
Min.me du m' touwer!
Mi dju 'nn' aî d' quère
Du v' vèy d'zous tère.
Nu rovièz nin
L' djoûr au matin
Quand vous m' moustrîz
L' coutê d' boutchî
V' n' onz qu' fer d' ruv'nu;
Dju n' vous vu pus.
Vous p'lèz tchûler
A v's-è nèyer
Dju crwâs qu' les pouyes
Et lès gurnouyes
Auront dès dints
Quand dju v rin.meraî bin.
Qu'i plûche, qu'i bîje,
I faut qu' vous v'nîche
Su l' soû du m'n-uch
Djouwer l'autruche.
Vous m'in.merîz co?
Vous m' vôrîz co?
Vous n' bwâlerez pus?
Vous n' broyerez pus?
C'est vraî qu'on s'in.me!
Intrèz quand′ min.me!
N'avez-v nin fwim?
V'là ène crousse du pwin!
Dj' aî yu dès r'mwârds
Après vosse cwârps;
Sayèz mès brès
Pou k'tchèsser l' frèd!
Ma bin-in.mêye è couru vôye
Ciste ouve ci egzistêye eto divins ds ôtès ortografeyes : Feller (accint d' Årvaye, CW) — Rifondou walon.Ma bin-in.nêye è couru vôye
L'Avenir du Luxembourg,
Ma bin-in.nêye è couru vôye