1. Ma bin-in.méye,
À l' bone anéye,
È coru voye
Sins qu' dju nu l' soye.
Faut do coradje
Po s' mète à mènadje.
Lès fèmes d'asteûre
Nu n'nèt pus leû cœûr.
2. Nu creûyez nin
Quu dju v' ratind.
Ène vikêriye
Ç' n'èst nin ène vîye.
Çu qu' dju v's-è n'nè
D' ma fwace d'inmè !
Dj'ê sèrè m'n uch ;
Vos 'nn' aurez puche.
3. Ça m' ruplêt bin
D' vèy passè l' timps
Sins qu' voye dju n' coûr
Foû d' vos mwês toûrs.
Vaut mî tot seû
Qu' l' anfyinr à deûs. Nosse vikêrîye
Ç' n'astot nin ène vîye.
4. Ma p'tite maujon,
Mès p'tits cassons,
Ç'astot por mi
In paradis.
Mês quand dj' î tûze,
Qué niche cambûze,
Quand v's-î mon.nîz
Vos-ahoûleriyes !
5. Vos vlîz sayè
Min.me du m' touwè.
Mi, dju 'nn' è d' keure (2)
Du v' vèy d'zos tère.
Nu roviez nin
L' djoû au matin
Quand vos m' mostrîz
L' coutê d' botchî.
6. V' n'onz qu' fé d' ruv'nu ;
Dju n' vos vu pus.
Vos plez tchoûlè
À v's-î nèyè.
Dju creû qu' lès pouyes
Èt lès guèmouyes
Auront dès dints
Quand dju v' rin.merê bin.
7. Qu'i ploûche, qu'i bîje,
I faut qu' vos v'nîche
So l' sû du m'n uch
Djouwè l'autruche.
Vos m'in.merîz co ?
Vos m' vôrîz co ?
Vos n' bwâlerez pus?
Vos n' broyerez pus ?
8. C'èst vrê qu'on s'in.me ;
Intrez tot l' min.me.
N'avez nin fwin ?
Là 'ne crosse du pwin.
Dj'ê yu dès r'mwârds
Après vosse cwârps.
Sayez mès brès
Po k'tchèssè l' frèd.
Sayez mès brès
Po k'tchèssè l' frèd.
Sayez mès brès
Po k'tchèssè l' frèd…
Ma bin-in.mêye è couru voye
Ma bin-in.nêye è couru voye
Cahiers walons lº 10,
Ma bin-in.nêye è couru voye