[ 12 ]

L’COIRBAU EIÉT LÈ R’NAU.

(Le Corbeau et le Renard.)

In coirbau estét r’cheû bin long dain l’bot d’Gozée,
In t’nant dain s’bétche in crâ stoffet ;
In R’nau, qui l’lavet chû in sintant v’ni l’vénée
Estét d’lé l’arbe eiét li d’sét :
« Bonjou Jâque ? Bonjou vî stoûmaque,
« Bin comme vôs estèt bia avét vo noû casaque,
« C’est s’tenne belle piesse, et j’vourét bin wâgi,
« Q’vo l’lavèt fai keude pa n’ saqui,
« Et si vô voèx est s’taussi bonne,
«  Què l’estoffe dè vo maronne,
« Vo poulèt concouri, avet Colas Boéron !
— La d’sû l’coirbau si fier qué s’tiesse in d’vènèt sotte,

[ 13 ]

Pou li chanter n’chânson,
Vout douvru s’bètche ét leyë chaire ess’ boûrlotte !
Lè R’nau l’rascoû eièt li dit :
« Choutèt bin c’ lesson çi woé m’fi :
« I nia toudi moéyin d’rascoutte enne bonne bouchie,
« In ingeusant in sot qui vout chouter n’vintrie :
« Faut iesse dé bon conte, mai mi j’coês,
»Q’ ça vaut bin in crâ stoffét !
L’ paufe coirbau scoubarét in li même ess’disèt :
— Quand on m’ tirera co n’pareye guette,
Les pouyes diront su dés crossettes.

MORALE :

Si vo choutèt toudi lés géins,
Toès quarts du tins on vo fout d’dain.