Modele copene:Mun

Ké sene pol munute ?

El munute a stî eployeye pol prumî côp e walon pa (Honoré) Joseph Chavée dins s' lîve Français et wallon ; parallèle linguistique (p. 18), po scrire les sons /ʧ/ chʹ (chʹet, tchet) et /ʤ/ gʹ (gʹeint, djin) k' i scrît eto jʹ, tot shuvant l' uzaedje des linwincieus, dit-st i, ki l' eploynut po rprezinter sacwantès cossounes blokåves (fr. occlusives), mins eto po les xhuflantes namurwèsses : binosʹe (binåjhe). Elle a stî rprinjhe pa Feller seulmint po mostrer les cossounes di dfén ki s' prononçnut : stoumacʹ.

Mins l' sene k' a stî eployî pol munute n' est nén todi l' minme : Feller munute avou ene apostrofe-droete « ' » (U+0027) ; Coppens ni munute nén todi (i scrît « (è)stoumac »), mins cwand i munute c' est avou ene apostrofe-crolete « ’ » (U+2019) dins O4 et ene apostrofe-munute « ′ » (U+2032) dins FO4 ; Francard (dins S0) ni munute nén todi eto, i candje di cossoune (« èstoumak »), mins cwand i l' mete c' est avou ene apostrofe foirt clintcheye ki n' est nén vormint l' munute « ′ » (U+2032) mins purade on accint-cloyou « ´ » (U+00B4) dins l' mwaisse intrêye mins nén dins les fråzes d' egzimpe la k' il eploye ene apostrofe-droete « ' » (U+0027) ; Haust eploye l' apostrofe-munute « ′ » (U+2032) dins (F)E1 ; Stasse munute avou ene apostrofe di rdijhaedje « ‘ » (U+2018) ; Carlier dins O0 munute avou ene apostrofe-droete « ' » (U+0027) mins i mete eto çtele la wice k' i dvreut-st awè ene apostrophe-crolete di spotchaedje…

Asteure, so Wiccionaire, @ Lucyin munute avou l' accint-cloyou « ´ » (U+00B4), mins gn a-st ene aroke avou ci sene la, paski c' est ene cope : espåce copåve (U+0020) + diyacritike (U+0301), et come gn a on espåce copåve i s' pout mete tot seu a l' roye shuvante sorlon l' lårdjeur del waitroûle, loukîz l' deujhinme hagnon :

Adon, ké sene fåreut i eployî ? Reptilien.19831209BE1 (talk) 09:47, 7 June 2018 (UTC)

Dj' a rovyî d' dire k' i m' shonne ki l' sipepieus sene unicôde po l' munute da Chavée, li cene k' est eployeye på linwincieus, c' est li ci lomé e-n inglès MODIFIER LETTER PRIME (U+02B9), ki rshonne come deus gotes d' aiwe (sorlon l' fonte) a l' PRIME eployî dins les matematikes (U+2032). C' est putete bén çti la (d' accint) ki fåreut prinde. Reptilien.19831209BE1 (talk) 11:19, 7 June 2018 (UTC)

Vos avoz bén spepyî l' ovraedje, proficiate!

Dji pinse come vos ki, come si no el lait adviner eto, l' idêye di båze c' esteut d' eployî l' minme sene ki po les matematikes (ou, purade, li ci ki lyi rshonne).

Mins d' èn ôte costé, soeye-t i k' les oteurs ni veyèt nén l' diferince, soeye-t i k' c' est nén åjhey di l' imprimer, c' est bén råle di vey ene constance.

(notez k’ po les diferinces etur O4/FO4, c' est purade ene diferince di fonte)

Fåt i vormint sayî d' aler å pus près di çou k' a stî imprimé ou årmonijhî ?

Dji pinse ki l' ecôdaedje, lu, divreut esse å pus simpe, fé come po les apostrofes («'» ou «’»), et d' tchoezi pus spepieuzmint onk ou l' ôte caractere unicôde å moumint do rindou.

Ene rîle simpe: c' est seulmint cwand c' est al fén des mots di pus di deus letes.

(oyi, i gn a ddja des foû rîles... «ènn'». Pus d' troes letes dabôrd ?)

Notez ki dj' end eploye nén mi-minme, des munutes :-)

--Srtxg (talk) 23:29, 7 June 2018 (UTC)

Po FO4, voz av råjhon, c' est l' minme sene po l' apostrofe-crolete k' el munute. Dj' a coridjî pus hôt. Pol sene on poreut eployî on modele, metant {{'}} ? Reptilien.19831209BE1 (talk) 16:04, 31 July 2018 (UTC)

Pol moumint, dj' a fwait l' modele {{mun}} tot-z eployant l' accint-cloyou « ´ » (U+00B4) eyet tot metant l' côde CSS white-space:nowrap, come çoula gn a pupont d' aroke avou ci sene la. Djel a-st eployî dins Po passer l’ håhê. Reptilien.19831209BE1 (talk) 16:51, 11 May 2019 (UTC)

Dji radjoute ki, come Joseph Chavée, Chales Werotte eploye el munute po les scrire les sons /ʧ/ (ch'anter, tchanter) et /ʤ/ (j'i, dji), mins eto po les sons /ʃ/ (as'sch'ire, ashire) et /ʒ/ (plais'i, plaijhi), come dit dvins Ch'oix di ch'ansons wallonnes et otres poésies, 3inme eplaidaedje, 1860, p. ix (vaici). Reptilien.19831209BE1 (talk) 08:39, 9 November 2020 (UTC)