Wikisourd copene:Depot/Èl-Gueuye-Noere/Esse vierné

Eplaidaedje Wikisourd

Li pådje Wikisourd:Depot/Èl-Gueuye-Noere/Esse vierné (et les dzo-pådjes ki gn åreut) a stî ahoutêye paski c’ est ene ouve eplaideye pol prumî côp so Wikisourd. I s’ pout k’ on trouve asteure ciste ouve ci replaideye so papî, u so ene ôte waibe, mins l’ modêye ki vos trouvroz vaici, so Wikisourd, est bén l’ oridjinåle. Po fé ricnoxhe li parternité et l’ abondroet d’ l’ oteur so s’-n ouve, et po waeranti k’ ene ôte djin nel candje nén, l’ ouve a stî edjalêye, come s’ ele aveut stî eplaideye so papî.

Berdelaedjes

https://berdelaedje.walon.org/viewtopic.php?t=2422 --Èl-Gueuye-Noere (copene) 31 di decimbe 2020 a 18:51 (UTC)

Eplaidaedje Wikisourd ?

Bondjoû Sam', et boune anêye 2021 !

Djusse po sawè, ci tecse la n' a nén co stî eplaidî so papî ? On nel trouve ki so Wikisourd ? Reptilien.19831209BE1 (copene) 1î d' djanvî 2021 a 10:20 (UTC)

Bonswer Reptilien,

Dank eyet boune anêye a vozôtes eto.

Dji n' a måy veyou s' tecse ratourné e walon, ki ci soeye sol waibe ubén so papî. Ç' est on ratournaedje d' ene rinovlaedje do 19inme sieke ki dj' a fwait èm-minme.

Amiståvmint,

--Èl-Gueuye-Noere (copene) 1î d' djanvî 2021 a 22:13 (UTC)

Iva, adon come c' est ene ouve da vosse ki n' a stî eplaideye ki so Wikisourd (pol moumint), djel va protedjî, come s'elle aveut stî eplaideye so papî, et po esse seur k' ene ôte djin nel candje nén a s' môde. Si gn a-st on candjmint a fé (çou ki n' divreut nén lodjicmint), vos pôroz todi l' dimander vaici.

A, eto, dins vosse response : « èm-minme » → mi-minme (minme e Coûtchant) cf. prono tonike.

Amiståvmint, Reptilien.19831209BE1 (copene) 1î d' djanvî 2021 a 22:35 (UTC)

Ortografeye

Bondjoû Èl-Gueuye-Noere. Come i gn a des mots ki n' sont nén do rfondou (yesse ≠ esse ; rilé ≠ rîlé), dj' a metou vosse scrijhaedje dins les Ouves sicrîtes dins ene ortografeye espontanêye. Minme s' on voet bén avou des mots come « scrijhnut » ki vs avoz purade sayî di scrire e rfondou. Gn a eto des mots come « rcwerij » k' est seur ene flotche ! Si gn a-st ene sacwè a coridjî vos l' poloz dmander vaici. Reptilien.19831209BE1 (copene) 7 di djanvî 2021 a 09:17 (UTC)

Bondjoû Reptilien

E fwait djè voleu scrire "yèsse" (yet nén "yesse", k' est, adon, ene flotche). E-n efet, i m' shonne foirt målåjhey di prononcî : c'est esse ([sɛ s] u [sɛ ɛs]). Mins veyou k' "yèsse" n' est nén do rfondou, dji tchicte al ricandjî på "sey" (sinonime di "esse", mins ci mot rola a ene conotacion foirt nonnrece).

Po "rilé", vos ploz coridjî, ç' esteut eto ene flotche.

Dj' aveu d'dja veyou "rcwerij" sicrît come çoula, mins dji n' sai pus si ç' esteut sol Wiccionaire u sol waibe di codjowaedje da Lucyin. Tot ç' ki dji sai, ç' est k' ça aveut stî candji e "r(i)cwerou". Ç' est nén l' prumî côp, wice dji voe des droles di varyistés d' pårticipe erirece. Do côp, dji pinse ki vos ploz l' coridjî ossu.

Amiståvmint,

--Èl-Gueuye-Noere (copene) 7 di djanvî 2021 a 13:34 (UTC)

@ Srtxg : « rcwerij » ça vos dit ene sacwè come PE di rcweri ? Reptilien.19831209BE1 (copene) 7 di djanvî 2021 a 13:51 (UTC)

@ Èl-Gueuye-Noere, e rfondou, minme s' on scrît « esse » on prononce [jɛs] après ene voyale : « po esse » [pɔ.jɛs]. Reptilien.19831209BE1 (copene) 7 di djanvî 2021 a 14:00 (UTC)

dji n' croe nén ki l' shûte "ij" soeye eployeye e walon (rifondou ou nén).

vocial pa dzo d' ôtes mots ki l' rifondowe est ene miete diferinne (dj' end a profité po radjouter sacwants mots dins l' coridjrece):

• viernî => vierni (4inme troke, mete en coûtche lujhante), vierner (moenner, kidure (vierna = li cawe pa drî les bateas ki permete delzès fé aler d' on costé ou l' ôte)
  • I va !, on pout li rcandjî (do moens, les cis k' ont les droets).
• yesse => esse (on pout prononcî li [j] d' loyaedje, mins nén mezåjhe del sicrire; come po "si efant" (prononcî "si-yèfan"))
  • I va !, on pout li rcandjî (do moens, les cis k' ont les droets).
• pårké => parké (parkî disfondowe a Nivele)
• tarifé => tarifyî (tarifyî dins l' motî d' Nivele)
• timbé => timbré ? (timbrer = mete des timbes)
• stoidou => stoirdou ? (s(i)toide = toide tot serant)
• depoirté => depôrté (evoyî ôte pårt come pûnicion)
  • I va !, on pout li rcandjî (do moens, les cis k' ont les droets).
• sopoirtnut => sopoitnut ( -nut va sol bodje C: dji sopoite (bodje B), nos sopoirtans (bodje A), i sopoitnut (bodje C))
  • I va !, on pout li rcandjî (do moens, les cis k' ont les droets).
• proleteres => proletaires
  • I va !, on pout li rcandjî (do moens, les cis k' ont les droets).

Et i gn a kékes viebes ki dji n' kinoxhe nén et dji n' sai nén vormint çou k' i vlèt dire (djels a nén trové dins les motîs) :

• foyou (i gn a foyî (=houwer, fé on trô e tere) et fouyî (si covri d' foyes, po èn åbe); mins c' est des viebes avou -î, i n' polèt nén fé on pårticipe avou -ou)
• flåzé
• raidjreyé (fwait so "raidjreye", çou ki dmeure cwand on passe å raidje, les ptitès mannestés?) (eto,
• dilaké (i gn a bén "dilåtchî" (dilåker a Lidje) ki rshonne; mins l' sinse (distinde, leyî aler) ni va nén avou les ôtes)

Adon, dj' a stî vey dins l' oridjinå e francès;

• po "foyou" c' est "licensier" (dins l' sinse di "aveur ene licince" pinse dju, la k' c' est a costé di patinter et otorijhî); on pôreut calker "licincyî"
• po "flåzé" c' est "coter" (aveur on limero k' asteme li valeur);
• po "raidjreyé" c' est "mitrailler"; mins "raidjreye" ça s' pout ratourner pa "fr:mitraille" seulmint dins l' sinse di "ptitès piretes, pitis bokes ki dmorèt après aveur passé å raidje". li sinse "bokets d' fier evoyîs avou on fizik ou on canon po discotaeyî les tchås des innmis" c' est "mitraye", eyet l' viebe "mitrayî"
• po "dilaké" c' est "déshonorer"; i gn eto "dizonorer" e walon.

--Srtxg (copene) 8 di djanvî 2021 a 00:58 (UTC)

Dj' a mis des "i va" dins l' messaedje da Pablo po les mots k' on pout d'dja ricoridjî. Tenawete, i fådreut ki dji rwaite ås ôtes noûmots yet vir s' i gn' a onk k' a stî metou dins l' DTW yet sol Wiccionaire etur tins.

--Èl-Gueuye-Noere (copene) 12 di djanvî 2021 a 20:19 (UTC)

@ Èl-Gueuye-Noere, come c' est voste ouve c' est a vos di fé les candjmints, èn ôte nel pout nén fé por vos (u bén çou n' est pus voste ouve mins ene ouve eshonnrece). Dj' a rmetou l' pådje candjåve por vos pleur fé vos candjmints. Cwand vs åroz fini, dijhoz mel. Reptilien.19831209BE1 (copene) 13 di djanvî 2021 a 07:03 (UTC)

Ç' est fwait, ç' est bon pol moumint.

Dank bråmint des côps ! :-)

--Èl-Gueuye-Noere (copene) 13 di djanvî 2021 a 11:25 (UTC)

@ Èl-Gueuye-Noere Vormint ? Estoz seur, pask' i m' shonne ki vos n' avoz nén bén léjou çou k' Pablo vs a di pus hôt. vierni ≠ vierner. I fåreut eto coridjî l' tite el tiestire. Reptilien.19831209BE1 (copene) 13 di djanvî 2021 a 13:17 (UTC)

Fwait !. Mins nerén, dji n' pout nén candjî l' tite dål årtike, veyånmint k' les displaeçaedjes sont portedjés.

--Èl-Gueuye-Noere (copene) 13 di djanvî 2021 a 13:22 (UTC)

@ Èl-Gueuye-Noere dji va co esse anoyant mins... esse + pårticipe erirece : esse vierné, nén esse + infinitif. Si vos n' estoz nén seur di çou k' vos scrijhoz, adon dj' inmreu ostant ki vos boutéxhe divins ene dizo-pådje da vosse, metans Uzeu:Èl-Gueuye-Noere/BatchASåvlon, et cwand l' ouve est presse, adon l' mete divins l' mwaisse espåce. Ça m' shonne pus serieus di fé dinsi. Reptilien.19831209BE1 (copene) 13 di djanvî 2021 a 13:56 (UTC)

Ç' est coridjî. Dji tchiteu a vos l' dimander ttaleure, veyånmint k' ç' est målåjhey po rcoridjî ene sacwè. E fwait, dji sai ci ki dji vout scrire ; mins i gn' a totplin d' mots ki dji n' aveu nén trové sol DTW yet sol Wiccionaire, cwand dji l' aveu scrî e-n avrî 2020. Do côp, dj' aveu dvou askepyî des noûmots po pleur ratourné cisse tecse e walon. Dj' åreu eto veyou voltî d' rwaitî padri ces mots rola dins on diccionaire papî, mins djè n' d' a pont. Adon, mes sourdants dimannut foirt limité. @ Srtxg ns a dit k' il aveut trové sacwants mots dins l' motî d' Nivele, k' a l' air d' esse on motî Feller ; do moens si ç' est bén li ci ; do côp cmint les scrire e rfondou, dins ç' cas ?

--Èl-Gueuye-Noere (copene) 13 di djanvî 2021 a 17:25 (UTC)

Oyi, c' est bén ci-la (O4); dji l' a metou pask' i m' shonne ki c' est çou ki sereut l' pus près di vost accint (emey les motîs ki dj' a dzo l' mwin). Dj' a metou les cognes e rfondou. Po parker; li cogne dins O4 est parkî (i gn a bråmint des -î; come vikî par egzimpe; mins c' esteut sortot po mostrer ki c' est avou on court "a"). Po tarifyî, notez k' e francès, dins l' tins, c' esteut tarifier, minme si asteure c' est tarifer. Dj' ô bén li cawete -yî (purade ki -î ou -er) est l' voye li pus probåbe po rfonde.

--Srtxg (copene) 13 di djanvî 2021 a 17:55 (UTC)

Dj' a rlomé l' pådje Esse viernî → Esse vierné. Reptilien.19831209BE1 (copene) 14 di djanvî 2021 a 15:41 (UTC)