Èl-Gueuye-Noere

Les faufes dè J. Lafontaine in patoès d’Chaleroèt

Dji vs a metou l' fitchî vaici. Reptilien.19831209BE1 (talk) 15:16, 30 April 2020 (UTC)

D' acoird. Djè va rwaitî a tot çoula.

Èl-Gueuye-Noere (talk) 16:43, 30 April 2020 (UTC)

Dj' a ataké cisse pådje : Li tchant des wallons (ratournaedje e walon namurwès), da Louis BODART. :-)

Coridjaedjes

Bondjoû,

Djusse on ptit messaedje al va rade po vs dire ki l' coleur djaene, c' est po les pådjes k' ont dandjî d' on rlijhaedje (k' i fåt rilére) : documintaedje e francès. Po les pådjes sins tecse, i fåt leyî e gris ;-) Reptilien.19831209BE1 (talk) 05:15, 20 May 2020 (UTC)

D' acoird, djè prindrè asteme 'l shuvant côp. :) --Èl-Gueuye-Noere (talk) 13:31, 20 May 2020 (UTC)

Wikisourd e walon

Cwand vs åroz cénk munutes, on ptit messaedje vaici po dner voste aspoya pol pordjet sereut l' bénvnou ;-) Reptilien.19831209BE1 (talk) 08:28, 23 May 2020 (UTC)

Coraedje !

Eco 4 pitits candjmints divant l' 1î d' novimbe po nd aveur 11, et ci sreut clapant. Si vos vloz, vaici c' est on ptit tecse di deus pådjes. Reptilien.19831209BE1 (talk) 21:27, 27 October 2020 (UTC)

Fwait !

Vocial, si djamåy vos av co dandjî d' ene sacwè, dji sreu rola. ;-)

--Èl-Gueuye-Noere (talk) 22:39, 27 October 2020 (UTC)

Gråces ! S' i vos resse co do coraedje : vaci, on ptit fitchî d' deus pådjes. Djusse : al plaece di mete toplin des <br /> metoz l' tecse divins on <poem></poem>, c'est pus simpe po les prôzes. Reptilien.19831209BE1 (talk) 16:33, 28 October 2020 (UTC)

Fwait !

P.S. : Dj' a co fé berwete tot scrijhant "sreut", al plaece di "sreu".

--Èl-Gueuye-Noere (talk) 09:06, 29 October 2020 (UTC)

Gråces ! « Dj' a co fé berwete tot scrijhant "sreut" » voz l' av rilevé, çou ki vout dire ki vos l' av aprins et k' el côp shuvant vos l' sicriroz d' adrame ! Mins, i n' fåt k' çoula vos espaitche di doirmi, minme les mwaisses di l' ortografeye, come Pablo, fwaiynut cisse flotche la : vaici « dji sereut-st adon po rfonde » ;-) Reptilien.19831209BE1 (talk) 15:50, 29 October 2020 (UTC)

Oufti ! Ké coraedje di s' ataker a riscrire ci sôre di pådje. Vos n' estoz nén oblidjî savoz ? Come c' est des bokets k' on n' mete nén divins l' mwaisse espåce, et kel tins ces des liårds... Mins merci co traze côps po vosse cråne ovraedje ! Reptilien.19831209BE1 (talk) 19:44, 6 November 2020 (UTC)

Oyi, mins bon, dji voe voltî el rashidaedje d' ene ouve bén fini. Yeyet çoula nos fwait èn årtike di pus, pol dmande d' nosse dominne eyet po les sitatistikes çoula dimane ledjirmint impôrtant. I gn' a rén avou ça, cwand vs av dandjî d' ene sacwè, sortoit po nosse futur dominne (plait-st ås manaedjeus), vs savoz wice dji so. :-)

Amiståvmint,

--Èl-Gueuye-Noere (talk) 20:49, 6 November 2020 (UTC)

Les faufes dè J. Lafontaine in patoès d’Chaleroèt

Bondjoû,

Si vos vloz, purade ki d' mete les loyéns [[Page:...]] po les limeros d' pådjes, vos ploz eployî l' modele padje, come dj' a fwait la : {{padje|101|107}}, la ki 101 c' est l' limero sol papî, et 107 li pådje do facsimilè. Reptilien.19831209BE1 (talk) 19:14, 11 November 2020 (UTC)

Dank po vosse consey. :-)

--Èl-Gueuye-Noere (talk) 19:43, 12 November 2020 (UTC)

Oteurs

Bonswer camaeråde ! Djusse on ptit messaedje po vs dire ki gn a pus dandjî d' mete les parametes Wikidata wd=Qxxx (cwand l' pådje est raloyeye a Wikidata) et i(ndex)=[a-z] cwand l' no est do djinre « A<espåce>B », li programe sait l' fé tot seu come on grand. Si vos veyoz ene sacwè ki n' va nén, dijhoz mel  ;-) Reptilien.19831209BE1 (copene) 18 di decimbe 2020 a 22:50 (UTC)

Bondjoû Reptilien,

Al atake, dji fijheu come vos l' dijhoz, mins a tchaeke côp i gn' aveut ene flotche avou li "lene 64" do module. Do côp, dj' aveu ossu såyî e raloyant les årtikes å Wikidata, dj' ô bén ki directumint padri leus askepiances, dji daleu so Wikidata po raloyî les loyéns, mins ça n' roteut nén eto. Vocial pocwè dji scrî co "wd=Qxxxxx".

Amiståvmint,

--Èl-Gueuye-Noere (copene) 19 di decimbe 2020 a 10:54 (UTC)

N' åyoz nén peu do rodje messaedje di LUA. Po k' ça rote i fåt :

1. ahiver l' pådje Oteur (sins les parametes), la vs åroz ene aroke LUA, c' est normå (pol moumint) on ptit messaedje po vs dire kel pådje n' est nén co raloyeye a Wikidata
2. raloyî l' pådje Oteur so Wikidata
3. rivni so Wikisource et eredjistrer on deujhinme côp purdjî l' pådje Oteur sins rén candjî

et la ça va roter ...

c' est paski come vos l' av dit, on n' pout nén raloyî ene pådje so Wikidata ki n' egzistêye nén co

Reptilien.19831209BE1 (copene) 19 di decimbe 2020 a 11:07 (UTC)

Dj' a-st amidré l' module po leyî on messaedje al plaece d' ene arole LUA. C' est pus prope dinsi. Reptilien.19831209BE1 (copene) 19 di decimbe 2020 a 17:34 (UTC)

Dank bråmint des côps ! :-)

Prumire Lete sint På

Gråces po vosse rimetaedje e rfondou. Ça cmince a awè d' l' aleure, et ça rind co dpus d' valixhance å ratournaedje Debaty.

Kékes pititès idêyes si vos vloz porshure:

• Djésus => Djezus
• Christ => Criss (c' est djusse des uzaedjes k' i gn a ddja dins l' Wikipdia)
• pont d' loyeure inte li viebe et l' prono sudjet metou padrî (come e Feller): a-t-i => a-t i
• pont d' deujhinme loyeure après ene lete di beloyance (come e Feller): po-z-avoyî => po-z avoyî.

On ptit sûti toû: divant di cmincî, fijhoz passer l' tecse dins ene coridjrece do programe aspougneu (CTRL-H): avou "candjî tos le "qu" a "k". Ça rote a 95 å cint.

Dj' a-st ene miete ricandjî l' tite: "Sint-På", c' est on no d' eglijhe, di fiesse. Pol vraiy ome, on scrît purade "sint På".

--Lucyin (copene) 8 di djanvî 2021 a 11:14 (UTC)

Wikidata

Bondjoû, dj' a radjouté vosse fitche so Wikidata : d:Q105710104, come on rtrouve asteure vos scrijhaedjes divins Li Rantoele., dji so-st oblidjî d' vos mete come oteur. Çou ki sereut bén, c' est mete vosse date et plaece di skepiance. Dji sondjeu a mete vosse foto so les Cmons, li cene k' on trouve divins Li Rantoele (eplaidî dizo ene libe licince), mins dj' inmreu ostant ki vs eberweter ene foto d' ene meyeuse finté, si vos vloz bén. Reptilien.19831209BE1 (copene) 28 di fevrî 2021 a 10:54 (UTC)

Bondjoû Reptilien,

Ç' est fwait. Tenawete, dji doe co fé ene novele foto da minme ; dji va rwaitî a çoula.

Amiståvmint,

--Èl-Gueuye-Noere (copene) 28 di fevrî 2021 a 13:47 (UTC)

Oteur:Paul_Malherbe

Bondjoû ! Come cisse djin la n' a rén scrît e walon, dji n' comprin nén pocwè çk' i l' fåreut mete so Wikisourd ? Reptilien.19831209BE1 (copene) 19 di måss 2021 a 08:00 (UTC)

Bondjoû,

Estoz-vos seur k' on n' pout nén rwaitî ses pretchmints (k' on motoit stî scrits) come des tecses? Come çoula est po Bernard Van Vynckt. Mins nerén, si rén n' est trové dji sopoirtrè voltî s' disfaçaedje.

Amiståvmint,

--Èl-Gueuye-Noere (copene) 19 di måss 2021 a 11:28 (UTC)

Bon, dj' a cweri sol daegntoele dj' end a trové deus pol moumint, di ses pretchmints, i nd a motoit bén ds ôtes :

• 17 di sètimbe 2012.
• 18 di sètimbe 2017
• Dj' a eto trové kékès ptitès sacwès vaici

I m' shonne k' i gn a nén vormint d' risse di mete ses pretchmints so Wikisourd... Dji va tuzer a comint çk' on poreut fé, surmint pa on vôte ! Si vos trouvez d' ôtes tecses dijhoz mel. Reptilien.19831209BE1 (copene) 26 di måss 2021 a 16:27 (UTC)

Dank traze côps po vos ricweraedjes. Dji va rlouki d' èm costé. Çoula sereut, e-n efet, bén d' les awè d'dja sol Wikisourd.

Amiståvmint,

--Èl-Gueuye-Noere (copene) 26 di måss 2021 a 16:40 (UTC)

Corintîs I (VI et VII)

Si vos lzès vloz rmete e rfondou…

Si ça vos dit, gn a eto les ouves da Louis-Joseph Courtois

Gråces.

--Lucyin (copene) 25 d' avri 2021 a 11:51 (UTC)

Bondjoû Lucyin,

Dj' a comincî l' shijhinme tchaptrê, dji l' doe co fini.

Amiståvmint,

--Èl-Gueuye-Noere (copene) 25 d' avri 2021 a 14:04 (UTC)

Li VIII est presse e Feller; si vos av ene munute après vos egzamins…

--Lucyin (copene) 14 di djun 2021 a 10:14 (UTC)

Dji va rwaiti a çoula l' pus rade possibe. Dj' a eto ritrové sacwants vî tecses e walon wice k' i gn a sacwants d' inte di zels k' årént bén dandjî d' on riscrijhaedje e rfondou.

--Èl-Gueuye-Noere (copene) 14 di djun 2021 a 21:29 (UTC)

Bondjoû @Lucyin,

Dji n' sai nén si vs el av ddja veyou, mins dj' a rcomincî a riscrire les prumirès letes da På åzès djins d' Corinte. Dji va såyî d' fé tot ça, å pus rade.

Amiståvmint,

--Èl-Gueuye-Noere (Ene sacwè ? => Dijhoz-m' el !) 4 di fevrî 2022 a 12:54 (UTC)

Adresse emile

Bondjoû, djusse on ptit mot po vs dire ki dj' a radjouté voste adresse emile dins l' tecse Do walon ezès tchmins d’ fier ?, come sol facsimilè, mins dj' eploye el modele {{emile}} po n' vos nén fé spamer. Si vos nd avoz tolminme (do spam) dijhoz mel et dji frè ene sacwè d' co pus målåjhey po les robots. Reptilien.19831209BE1 (copene) 22 d' fevrî 2022 a 16:20 (UTC)

Bondjoû,

Dank traze côps. Disk' asteure, tot va bén avou les spamaedjes.

Amiståvmint,

--Èl-Gueuye-Noere (Ene sacwè ? => Dijhoz-m' el !) 22 d' fevrî 2022 a 17:28 (UTC)

Rilomaedje Lèye → Lèye (André Stranard)

Vos av bén fwait…, gråces.

Djusse on ptit mot po vs dire k' el tecse « Lèye » (Leye) si trove avou « Li » (Lu) dins « Lès barakîs » (Les barakîs). I gn a don deus arimés ki vont-st eshonne. Dj' a-st eberweté so archive.org el mwaisse modêye ki Djåke m' aveut-st evoyî so m' boesse mail e 2018. C' est c' modêye la k' dj' aveu rtapé so Wikisourd : Dêrènes Bates, come i mel aveut dmandé. Mins Lucyin l' a rlomé Dêrènès Bates (dif, divize), çou ki fwait k' çou n' est ddja pus l' minme modêye. Dji n' inme nén cisse manire di fé (come djel dijheu la), pask'on n' s' î rtrove pus, min bon...

S' on prind l' mwaisse modêye da Desmet, on voet ki gn a des ptitès diferinces avou l' modêye k' on trove sol waibe Scole di walon Lucien Somme :

• « Lèye » → « Leye » (tite, surmint ene flotche)
• « do voyadjî » → « di voyadji » (do/di ; + î/i po rimer ttafwaitmint avou paradis)
• « dès-oûs » → « dès-ous »
• « voltî » → « volti » (po rimer ttafwaitmint avou minti)
• « côps » → « coups » (po rimer avou ous, li candjmint deus royes ådzeu)
• « yu » → « yeû »
• « bourias » → « boûrias »
• « leûs cwârps à » → « leû cwârp a »

Mins i manke todi (dins les deus modêyes) li coridjaedje « les » → « lès », dins :

Èlle ascaucheûve come su dès-ous
Dins totes lès cwanes po veûy volti,
Su totes les vôyes aus quate cints coups,
Yinte totes lès mwins qu’ont à minti.

Çou ki fwait k' on s' ritrove avou 2 modêyes. Si vos vs dimandîz pocwè çki gn aveut des diferinces, vos av el response.

Come sol waibe del sicole walone on n' trouve nén co l' prumî-z arimé « Li », dji n' mi sin nén del mete so Wikisourd pol moumint. Mins si vos vloz di tote foice el mete so Wikisourd, dji n' vos va nén spaitchî (aspaitchî). I s' metreut, metans, a : Lèye (sicole Lucien Somme) (avou coridjaedje do tite). El diferince ki gn a etur Mélin (accint d' Nameur) et Mélin (accint d' Djodogne) a vormint d' l' interesse, del minme manire k' on trove Dji t’ veû voltî, mi p’tit Mélin et Djë t’ vwè volti, më p’tët Mélin. On l' pout mete so Wikisourd sin manke. Reptilien.19831209BE1 (copene) 22 d' avri 2022 a 16:20 (UTC)

Bonswer Djulén,

Dji n' a fwait ki rimpli cisse pådje ci. Les arimeas ki dj' a trové sont sol waibe del nouzome école de wallon ki vs av mostré dzeu. Dj' aveu ddja rmårké ci djoû la, k' i gn aveut des arimeas k' estént ddja eplaidîs dins on live ; k' a ddja stî metou droci, d' ayeur. Sovint sol Wikissourd, dji ni fwait ki rmete les tites des ovraedjes so les pådjes d' oteurs, sins askepyî des pådjes dzeu (fåt todi tofer prinde asteme avou les abondroets). Adon, po-z esse oniesse, dji so ene miete pierdou dins ç' ki m' vos racontez.

Amiståvmint,

--Èl-Gueuye-Noere (Ene sacwè ? => Dijhoz-m' el !) 22 d' avri 2022 a 21:03 (UTC)

Gn a rén avou ça. Si vos n' avîz nén l' idêye di rtaper l' tecse Lèye ki gn a sol waibe del sicole walone so Wikisourd, adon tot çou ki dj' a dit n' a pont d' impôrtance :-) Reptilien.19831209BE1 (copene) 23 d' avri 2022 a 09:19 (UTC)