Lucyin

Vîs copinaedjes

	Egurniyaedjes: Uzeu copene:Lucyin/Egurniyaedjes

Oteur:Jôsèf Halleux

Si vs estoz todi el Beldjike, et k' vos dvoz vos rinde a Lidje nén lon do cimintire di Robiemont, u bén k' vos cnoxhoz ene sakî ki vike låvå et k' a ene miete di tins, ci sreut clapant d' prinde ene foto del foto d' l' oteur ki gn a so s' tombe. Li cene k' on trouve vaici ni s' pout nén stitchî so les Cmons, cåze del licince. Si vos n'avoz nén l' tins u k' vos n' kinoxhoz nolu, dijhoz mel, dji va sayî d' dimander a onk ki mes neveus ki vike do costé d' Wareme. Reptilien.19831209BE1 (copene) 16 di nôvimbe 2021 a 16:36 (UTC)

Dji va sayî. Motoit avou Blawete (Christian Thirion) semdi ki vént (mins on a ddja ene djournêye mo tcherdjeye). Ôtrumint dji dmandrè a Pablo u a Jean-Philippe Legrand.

--Lucyin (copene) 16 di nôvimbe 2021 a 19:55 (UTC)

Les Ardin’wès, da François Bodson

Av ene pitite idêye d' eyou çk' on preut trover ci tchanson la ? Dj' a trové 3 bokets (ki dj' vos mete divins mes nûlêyes éndjolikes), mins dji parvén nén a mete el mwin sol modeye e-n etire, nodidjale ! Divins les Cahiers Wallons lº 23 (1939), il est scrît ki gn a deus lijheus k' ont-st evoyî les 26 coplets, mins fok 8 ont stî eplaidîs. Ké damadje ! Reptilien.19831209BE1 (copene) 29 di nôvimbe 2021 a 07:14 (UTC)

Il a stî curé a Graide, dji doe djustumint rcweri so on no d' plaece did la pol comene di Bive (label "nosse comene dit oyi"). Dji dmande cwè a on vî Graidî et al kimere del bibioteke.

--Lucyin (copene) 29 di nôvimbe 2021 a 10:46 (UTC)

Atlas sonore des langues régionales de France

Prindoz asteme al licince, Lucyin. Si, come c' est dit la, el licince c' est CC-BY-NC-SA (Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International), adon çou n' est nén permetou di mete çou k' on trouve so ci waibe la so les pordjets Wikimedia.

Si l' oteur n' est nén cnoxhou, çou k' dji n' comprind nén todi paski, metans a Li bijhe et l’ solea s’ margayént, vos djhoz k' l' oteur n' est nén cnoxhou mins vos l' av raloyî a Lorint, adon ça passe co, mins po les oteurs conoxhous, i nos fåreut leu permission.

Li mia, c' est d' èn nén dire ki les tecses ont stî rpins sol waibe do Djåzant atlasse. Si djel tén bén, c' est bén a vos k' il ont stî evoyîs et c' est vos k' els a-st evoyî a Philippe Boula de Mareüil ? Reptilien.19831209BE1 (copene) 5 di decimbe 2021 a 11:09 (UTC)

Oyi, vos avoz råjhon di raspepyî les abondroets di ces tecses la. Li Flipe m' aveut ddja bén espliké k' il estént sol Djåzant Atlasse dizo libe licince nén comerciåle. MINS: les cåzeus ont eto siné ene foye ki permete l' uzaedje comerciå (mins adressêye a Flipe).

Gn a sacwants sôres, la ki mi ovraedje est diferin:

- C' est mi k' a tot fwait (trover l' ratourneu(se)-djåzeu(se), l' eredjistrer, sicrire li tecse, evoyî les fitchîs a Flipe). Dins ces cas la — i m' l' a acertiné - dji dmeure "prôpietaire des abondroets" (metans, dji pou replaidî les fitchîs son so les Cmons; mins dji n' l' a fwait k' on côp u deus, paski c' esteut tecnicmint impossibe di les mete sol waibe a on metou moumint, pu ça s' a polou fé après).

- C' est mi k' a-st atôtchî l' cåzeu(se), mins c' est lu k' a fwait l' eredjistrumint, ki dj' a riscrît tot l' schoûtant (cas Lorint Hendschel).

- C' est mi k' a-st atôtchî l' cåzeu(se), mins c' est lu k' a fwait l' eredjistrumint et scrît ene des modêyes. Dj' a scrît l' ôte.

- Li cåzeu a evoyî si tecse + eredjstrumint a Flipe sins passer par mi. Mins ci-ci m' a revoyî po fé ene modêye e rfondou (cwand gn aveut deus onglets, paski c' ere impossibe di scrire deus ponts sol mape).

Sayîz d' vey:

- les kés des cwate cas k' on wåde.

- si on rsaetche les "hårdêyes di påternité" (come i sont metous po "anonimes" sol Djåzant atlasse et awè siné po çoula). Li minme kesse cwand dji mete ene hårdêye avou l' fitchî son sol pådje d' oteur di Wikipedia (egzimpe, po Dominique Heymans, tot ådzo del pådje: ça "anixhile" l' anonimat). Mins c' est purade ene kesse a dmander a Flipe, dowô ?

--Lucyin (copene) 6 di decimbe 2021 a 17:10 (UTC)

Wikisourd:Depot/Lucyin/Pocwè diss ?

Dj' a cmincî a mete les ouves eplaideyes so Wikisourd divins on depô, po bén dispårti les ouves k’ on-z a des sourdants des cis k’ on nd a pont. Ces pådjes la seront-st edjalêyes mins nén les cenes divins l' mwaisse espåce, metans : Pocwè diss ?. Come çoula, si vos (u ene ôte djin) vout radjouter des categoreyes, des fitchîs odios u des modeyes, i l' pout fé sins mi dmander. Ça m' shonne pus simpe di fé dinsi.

Dji vos dmande :

di bén voleur mete vos scrijhaedjes (nén co eplaidîs) divins c' depô la, sins l' tiestire (rén k'el tecse, avou s' tite) ; si c' est por vos, metoz lzès dvins Wikisourd:Depô/Lucyin/... si c' est po Suzane, divins Wikisourd:Depô/Souzanemahin/...
d' èn nén eployî l' modele {{Note Wikisourd}} dins l' depô po les ptitès racsegnes ki vos metoz sovint å pî del pådje, eployîz al plaece ene pî-note, come dj' a fwait dins Wikisourd:Depô/Lucyin/Pocwè diss ? ; çoula paski ene Note Wikisourd pout esse rajoutêye/candjeye pas ene ôte bouteu so Wikisourd ki l' oteur lu-minme

Si gn a des ptitès sacwès a candjî so les pådjes do depô, i gn a k' a dmander et dji vos les rmete candjåves. Si ça vos va di fé dinsi ? Reptilien.19831209BE1 (copene) 7 di decimbe 2021 a 13:19 (UTC)

Dji voe a pô près. Mins:

Anouchca a stî eplaidî dins l' Rantoele (l° 97 a 100)

Paskeye lidjwesse del constitucion a stî eplaideye dins l' livret del sitroete_plake Cwatru-vint-nouv

Å matén a stî eplaidî dins l' Rantoele (rifondou), et Â matin dins "Singuliers" (Feller, mins motoit co ene ôte ortografeye, da Pire Otdjåke)

Sayans di rcandjî ene miete Wikisourd:Depô/Lucyin/Anouchca. Vos mel metoz "candjåve".

--Lucyin (copene) 8 di decimbe 2021 a 19:03 (UTC)

Po Anouchca, si djel a metou dins l' depô c' est paski vos l' avîz metou divins l' categoreye : Categoreye:Ouves eplaideyes so Wikisourd. C' est bén ene oûve k' a stî eplaideye pol prumî côp so Wikisourd ? Dji vou bén l' ermete divins l' mwaisse espåce, por mi c' est l' minme, mins adon i nel fåt nén mete divins l' categoreye des Ouves eplaideyes so Wikisourd. Djel vos rmete a s' plaece ?
C' est l' modêye e Feller : Lîdjwès, volà ‘ne Constitucion k' a stî eplaideye divins l' livret Catrè-vint-noûf,, nén l' modêye e Rfondou (da vosse).
Dji n' trouve nén Å matén dins l' Rantoele, c' est dins ké limero ? (dji n' a nén l' 98). Et po Au matin dins Singuliers c'est dins ké limero ? Il a stî eplaidî so Wikisourd li 6 di djanvî 2021.

Reptilien.19831209BE1 (copene)

Anouchca: oyi, c' est l' modêye d' ene seule trake k' a stî eplaideye pol prumî côp so Wikisourd. Cisse-lale (k' est co dins les årtchives) pôreut esse metowe dins l' depô. Oyi: li modêye fouyton, rimetoz lu dins l' mwaisse espåce, sins l' categoreye "Ouves eplaideyes so Wikisourd" (elle est ene miete diferinne, pår pa les racourtis des epizôdes).

Scrijhaedjes da Souzane: Dins l' Rantoele, oyi, c' est l' ôte (li veye k' eva) k' a passé. Po Singuliers, les deus ont stî metous dins l' 1/2021. Mins dji n' a nén les Singuliers-papî ciddé, po vey l' ortografeye Otjåke (Feller-Otjåke). Dji lyi pou dmander l' fitchî éndjolike.

Tecses Revolucion lidjwesse: Ça fwait: c' est nén l' ouve, mins l' modêye ki conte. Adon, gn a bråmint des pådjes ki dvèt aler e depô. Inte di zeles mes riscrijhaedjes e rfondou come Li_Bleu-bijhe, mes ratournaedjes come El_mariaedje_del_feye_Chôze et mes scrijhaedjes nén eplaidîs, come Lu warabê. So dj' dins l' bon ?

Insidon, cwand dji scrî on novea tecse, i va sol depô. S' il est replaidî (puvite dins les Singulîs), dji vos dmande d' el rimete dins l' mwaisse espåce. Va ç' insi ?

Li Rantoele 98 est vaici (todi aberwetåve di l' Aberteke cwand gn a yeu on limero après).

--Lucyin (copene) 8 di decimbe 2021 a 21:05 (UTC)

Fwait ! po Anouchca, dj' a rmetou l' prumire modêye divins l' depô.
Vos : « c' est nén l' ouve, mins l' modêye ki conte », oyi, c 'est bén ça, i fåt loukî l' modêye come ene edicion. Metans : Li grandiveuse (1895), Li grandiveuse (1899) et Li grandiveuse (2020, rif. Sarachaga) c' est l' minme ouve mins troes edicions. Les deus prumires ont l' minme ortografeye (avou des ptits coridjaedjes dins l' deujhinme), mins nén l' troejhinme. So les Wikisourds, on riscrît ene ouve d'après ene edicion. Çou ki fwait k' on pout awè l' minme ouve riscrite 100 côps. Vola pocwè Paskeye lidjwesse del constitucion (Rifondou), Lîdjwès, volà ‘ne Constitucion (Feller) et PASKEIE LIGEOISE, c' est l' minme ouve mins troes diferinnès modêyes (edicions). Et come el modêye e rfondou a stî eplaideye so Wikisourd, k' on nel trouve nén ådfoû, et k' on a pont d' facsimilè po poleur ritaper l' tecse, i nos fåt bén mete ci tecse la a houte des candjmints. Si on n' fwait nén ça, ene ôte djin poreut radjouter/candjî des sacwès dins vo rfondaedje ki vos n' vorîz nén, come vos av candjî Dêrènès Bates da Djåke.
Po Au matin, dji ratind po vey si l' ortografeye est l' minme.

Reptilien.19831209BE1 (copene) 9 di decimbe 2021 a 07:01 (UTC)

On côp d’û so l’agriculture â siéke passé, an Ârdène

Sol pådje i gn a 4 tecses :

Lès patures, eplaidî dvins l' Rantoele lº 45 (2008), dizo l' tite Les pasteures (les waides), divins « On côp d’ ouy so l’ agricoûteure å sieke passé, e l’ Årdene »
Fènâmwès, eplaidî dvins l' Rantoele lº 42 (2007), dizo l' tite Li fenåmoes, divinltins, divins « Viyès tecnikes »
Essilaedje (kel tite e Feller c' est ???), nén trové divins l' Rantoele, i n' est nén co eplaidî ?
Bwès d’ tchåfaedje (kel tite e Feller c' est ???), eplaidî dvins l' Rantoele, lº 67, dizo l' tite Li bwès d’ tchåfaedje, divins « Viyès tecnikes »

On trouve eto :

Les tcherwaedjes (kel tite e Feller c' est ???), eplaidî dvins l' Rantoele lº 41 (2007), divins « Viyès tecnikes »

Po çou k' est des modêyes e Feller, eplaideyes so Wikisourd, on les pout mete dins On côp d’û so l’agriculture â siéke passé, an Ârdène si vos vloz, ça n' candje rén, mins po çou k' est des rfondaedjes eplaidîs dvins l' Rantoele, ça n' sieve a rén d' les mete dins des dzo-pådjes, paski :

i gn a kel prumî k' est metou dins « On côp d’ ouy so l’ agricoûteure å sieke passé, e l’ Årdene » (nén « On côp d’ ouy so l’ agricoûteure do 20inme sieke, e l’ Årdene »),
les djins (mi l' prumî) n' vont nén comprinde pocwè l' ôre d' eplaidaedje n' est nén l' minme : Lès patures (metou e prumî e Feller) a stî eplaidî dins l' Rantoele APRÈS Fènâmwès

Dji rmete so Wikisourd come il ont stî eplaidîs dvins l' Rantoele. Si vs avoz ls ôtes emiles, metoz lzès dvins l' depô. Reptilien.19831209BE1 (copene) 12 di decimbe 2021 a 16:15 (UTC)

A, eto... si vos vloz bén ni pus rcoridjî les viyès rfondowes so Wikisourd, paski ça sieve pol Wiccionaire et po les cis ki volnut studyî li Rfondou et ses candjmints dins l' tins. Metans, dins Li fenåmoes, divinltins, vos avîz rcoridjî : formoujhe(s) → frumijhe(s), mins pocwè nén frumoujhe. Reptilien.19831209BE1 (copene) 12 di decimbe 2021 a 17:02 (UTC)

Gråce po tos ces raspepiaedjes la.

Adon, rimete so Wikisourd:

come dins l' Rantoele ?
come dins l' Aberteke (pårteye "rifondou") ?

Po les tites dins l' mwaisse copeye, dji rwaitrè on côp ki dji rserè e m' buro (dins 10 djoûs ????) avou l' live divant mes ouys. Mins des côps, end a pont. Dji croe ki l' boket so les essilaedjes vént sins sortite après les fours.

--Lucyin (copene) 12 di decimbe 2021 a 22:02 (UTC)

Noyé èt ses crèyances

Si vos vloz bén responde vaici. Reptilien.19831209BE1 (copene) 7 di djanvî 2022 a 17:01 (UTC)

Li passeû d’ aiwe

Vos avoz scrît : « Li passeû d’ aiwe » (no del pådje) ≠ « Li passeû d’êwe » (tite do tecse) ≠ « Li passeu d’ aiwe » (dins l' tecse et so l' Aberteke). Vos vloz bén rlére et rcoridjî l' tecse divant del mete dins l' depot (paski l' modêye est diferinne di l’ Aberteke). Merci bén. Reptilien.19831209BE1 (copene) 2 d' fevrî 2022 a 15:34 (UTC)

Fwait !

Adon, si dji rcandje li scrijhaedje eneviè l' Aberteke (dji vén d' el fé po « Zoli est moirt »), el fåt mete e depot ? Et on n' bodje pus a l' ortografeye "Aberteke" ? El fåt dire ossu a Pablo.

--Lucyin (copene) 2 d' fevrî 2022 a 16:22 (UTC)

Dji n' pou nén vos dire cwè fé so l' Aberteke, mins mi dji n' sreu nén po candjî l' ortografeye des tecses låvå sins leyî d' traece. On pout todi rapexhî ls oridjinås so Årtchive.org (egzimpe, 22/03/2016), mins on pout eto sondjî a fé on deujhinme eplaidaedje et mete el prumire modêye dins ene årtchive so l’ Aberteke. Tins k' on pout rtrover åjheymint l' viyès modêyes. Dji n' sai vos (avou Pablo), mins mi dj' voe li candjmint do rfondou come li francès et ses rifômes. Del minme manire k' on pout scrire « charriot » (avou 2 R) dispu l' rifôme di 1999, on pout scrire « dji trouve » dispu 2019. Ça vout dire ki « dji trove » n' est nén veyou come flotchrece divant cisse date la. Leyî les viyès rfondowes ene sadju, ça peremete ås cis ki volnut di studyî l' istwere do rfondou. Ça m' shonne tolminme impôrtant. Reptilien.19831209BE1 (copene) 2 d' fevrî 2022 a 19:34 (UTC)

Copene:Lès bièsses acsûses dèl pèsse

A responde sol pådje, si vos vloz bén. Reptilien.19831209BE1 (copene) 2 d' fevrî 2022 a 19:39 (UTC)

Lë bîje èt l’ solia së dëspëtin’

Ci tecse la n' est nén dvins l' Djåzant atlasse (loukîz vos-minme dins les brutès dnêyes). Ça dvreut esse do costé d' Perwé ? Reptilien.19831209BE1 (copene) 3 d' fevrî 2022 a 16:35 (UTC)

I fåreut dire a Philippe Boula ki pol pont Hastière i s' a trompé. Li tecse (Li bîje èt l’ solia s’ margayint) e Feller est metou avou l' linwete (onglet) « Rifondou walon ». Reptilien.19831209BE1 (copene) 3 d' fevrî 2022 a 17:02 (UTC)

Dins Li bijhe et l’ solea si disputént li rfondaedje n' est nén complet : « Ça fwait ki li bijhe a dvou rconoxhe ki l’ solea esteut l’ pës fwârt. », et c' est l' minme divins l' Djåzant atlasse. Reptilien.19831209BE1 (copene) 3 d' fevrî 2022 a 18:53 (UTC)

Cisse modêye ci : L’ Vint èyét l’ Solia, c' est ene ortografeye da vosse ? On direut do Feller, mins on trouve eto « tchimîjhe ». Reptilien.19831209BE1 (copene) 3 d' fevrî 2022 a 19:20 (UTC)

Bernus e Feller: ricoridjî kékès tchitchêyes ("jh" pa aroutinaedje !!!). Vos l' ploz "clawer". C' est do Feller-Fauconnier.

Perwez2: Li modêye e Feller n' est nén dins l' atlasse; c' est li scrijhaedje rifondou k' est eployî po cist eredjistrumint la (linwete "rifondou", Perwé). Dji fini li rfondaedje cial. Mins li tecse rifondou, dji nel trouve nén dins l' djivêye. Dji radjoute ci pont la dins èn emile å Flipe Boula. => 3 ponts (1 Hendschel + 2 Jancart).

Dji pinse ki, cial, on pout bén mete li no del djin k' a ratourné, minme s' il a-st accepté del fé anonimmint sol waibe limsi. (dj' el rifrè po tos les cis k' dj' a tos les abondroets).

N' a-t i nén moyén di mete ET ratourneu ET rortografiaedje (

--Lucyin (copene) 3 d' fevrî 2022 a 22:16 (UTC)

N' a-t i nén moyén di mete ET ratourneu ET rortografiaedje

Fwait ! Reptilien.19831209BE1 (copene) 7 di fevrî 2022 a 08:05 (UTC)

Les deus bådets (Aberteke, 2004) et Les deus bådets (Mahin, 2020)

El prumire modêye epleideye so l' Aberteke (2004) et l' deujhinme ricoridjeye vaici so Wikisourd. Come on l' pout vey so l' pådje ci copene, gn a deus ptitès diferinces inte les deus modêyes. Et vla on bea-z egzimpe di pocwè çk' i n' fåt nén candjî sins leyî d' traece les vîs rortografiaedjes. On passe di « sôtelnut » (do viebe sôtler, 2004-2016) a « såtelnut » (del disfondowe såt’ler, 2016-2017) po rivni al cogne avou ô divins vo rfondaedje di 2022, mins todi scrît avou å so l'aberteke. Cwand on tape èn ouy sol Wiccionaire, on trouve bén l' viye rifondowe såtler et i nos fåt lére li dvise so Berdelaedjes po comprinde pocwè. Foirt bén, ça permete di dner èn egzimpe pol Wiccionaire et d' awè l' date do decidaedje : 2017. Reptilien.19831209BE1 (copene) 4 di fevrî 2022 a 15:53 (UTC)

iva por mi. Dj' el dirè a Pablo, mins dji n' a nén les pinses k' i rcandje co les mots k' ont candjî di rfondowe.

--Lucyin (copene) 4 di fevrî 2022 a 18:46 (UTC)

Li vièrlète et Les tchauwes-soris

Il ont stî eplaidîs ene sadju, ces tecses la ? Reptilien.19831209BE1 (copene) 7 di fevrî 2022 a 08:07 (UTC)

Dji n' croe nén; cwand c' est Willy Marchal k' esplike on sudjet (sovint el dierin djoû), dji n' fwai nole pådje "sicoles di Bive". I m' avoye si tecse paraprès, a môde d' imådje. Dj' el ripasse dins on programe ricnoxheu d' letes. => Merci di les rmete come "depot".

--Lucyin (copene) 7 di fevrî 2022 a 14:51 (UTC)

L’informatique

Ci tecse la n' est nén fini. Si dj' comprind, c' est vos k' a rtapé l' tecse d' après l' videyo, et nén Willy ki vs el a dné ? C' est po çoula ki vs eployîz l' modele {{?}} et les …, cwand vs avoz ene dotance sol prononçaedje ? Dji n' a nén prins l' tins di rpasser so tot l' tecse, mins al deujhiinme lene, vos scrijhoz : « Dji d’vins chaque djoû pus-aflachî » mins mi dj' ô : « Dji m’ sin chaque djoû pus-aflachî ». Reptilien.19831209BE1 (copene) 8 di fevrî 2022 a 07:10 (UTC)

C' est come vos djhoz. Dj' el rischoûte et dji rcandje s' i gn a co d' l' adire. Wili a, podbon, on MAC k' est patrak, et on novea k' il a des rujhes di s' î rtrover avou. Et i n' sait evoyî des fitchîs ecôdés. Dj' el diveu aler vey cisse samwinne ci (eto po lyi fé totes les permissions po les scrijhaedjes, por lu eyet s' pa), mins il a yeu on contrutins avou si cpagneye k' a stî operêye. Dji lyi va cwand minme evoyî ene lete po les permissions (i m' a dit k' el såreut revoyî ås "controleus").

--Lucyin (copene) 8 di fevrî 2022 a 07:19 (UTC)

Dj' a l' tecse da Wili.

--Lucyin (copene) 10 di fevrî 2022 a 09:54 (UTC)

Dispôy’ li prumî d’ sètimbe 1939

Po esse seur, c' est bén dins l' limero do 4 di setimbe 1946 del gazete La Meuse k' on trouve ci tecse la ? Dji dmande çoula paski dji nel trouve nén dins c' limero la (a cisse date la) : KBR (diné po rén mins i fåt esse elodjî po lére el gazete). Dji trove d' ôtes tecses da Louis Sauveur (e francès et walon) min nén çti-la. U bén fåt i rwaitî dins l' gazete coinrece di Hu ? Reptilien.19831209BE1 (copene) 8 di fevrî 2022 a 14:29 (UTC)

C' est ene racsegne ki vént do dossî apresté pa Djan-Pire Dumont po si antolodjeye|Djan-Pire Dumont po si antolodjeye. Oyi, motoit ki l' walon, c' esteut djusse dins les edicions coinreces del "Meuse", s' end aveut-st adon (pol gazete "Vers l' Avenir", les papîs da Charly Dodet n' estént ki dins l' "Hu-Wareme").

--Lucyin (copene) 8 di fevrî 2022 a 17:48 (UTC)

Li batia à vapeûr

C' est on tecse k' a stî rashît e Feller pa Jean-Pierre Dumont ? Et k' åreut dvou si rtrover dvins s' fameus Pordjet antolodjeye des scrijheus e walon do Payis d' Hu ? Reptilien.19831209BE1 (copene) 10 di fevrî 2022 a 12:53 (UTC)

Oyi. Cwand dj' l' a stî trover l' dierin côp (on a evoyî l' permission po Contes di m’ payis èt d’ co pus lon), dj' a trové les mwaisses tecses (mins nén tertos) dins l' minme ridant ki les sacwants oteurs di s' pordjet d' antolodjeye (k' a dmoré so les fis sacwants anêyes; nén dins les egurniyaedjes "Webarchives"?) ki dj' a metou enawaire so Wikisourd, si dj' aveu l' date del moirt.

Come Grad n' a nén polou scrire e Feller, on pout dire ki c' est Djan-Pire k' a riferlijhî.

Dji l' a metou; vos ploz fé insi po les ôtes sifwaits.

--Lucyin (copene) 10 di fevrî 2022 a 17:24 (UTC)

Do walon ezès tchmins d’ fier ?

Bondjoû Lucyin,
Vos vloz eto dmorer nén cnoxhou ? Come di djusse, dj' aveut scrît nos deus nos sol pådje di Li Rantoele. Dji sai ddja k' el troejhinme djin vout dmorer nén cnoxhowe. Elle ns el aveut ddja dmandé pa emile, pinse-dju.
Amiståvmint,
--Èl-Gueuye-Noere (Ene sacwè ? => Dijhoz-m' el !) 12 di fevrî 2022 a 13:41 (UTC)

Come vos vloz. Mins come c' est cisse djin la k' a fwait l' gros do tecse, ostant l' eplaidî sins cnoxhou scrijheu.

(Ça n' a rén a vey) Dins vosse dierin papî "Walofile", vos metoz des "rpassés erireces" (passé simpe passé): "El Waloneye ava lonmint stî ritche. Våreut mî mete on simpe ripassé prezint (passé compôzé): El Waloneye a lonmint stî ritche; u adon on NDIE (passé simpe): El Waloneye esta lonmint ritche u El Waloneye fourit lonmint ritche.

(c' est djusse do stîle) Sovint, vos prindoz l' adjondrece "totfeye", ki n' est nén foirt corante dins les scrijhaedjes. Sayîz ene miete d' el replaecî tenawete pa "mågré tot; mågré çoula; portant, seulmint, mins nerén, nén pus, kécfeye".

Pou dj' riprinde cist årtike la (Djans è, Waloneye !) pol Rantoele ?

--Lucyin (copene) 12 di fevrî 2022 a 17:11 (UTC)

Dji prindrè asteme po mes av'nants årtikes.

Oyi, k' vos el ploz prinde. Dj' el a scrît po vozôtes, veyånmint k' vos av dandjî d' èn årtike sol Waloneye.

Amiståvmint,

--Èl-Gueuye-Noere (Ene sacwè ? => Dijhoz-m' el !) 12 di fevrî 2022 a 17:39 (UTC)

Rodje Capucète

On trouve bén ene modêye e rfondou so l' Aberteke (cial, årtchive di 2012), et l' oridjinå e Feller d' Ausôrt (Åssôrt ?) divins Les Cahiers Wallons, lº 12, 1995, p. 186-187, mins ci modêye ci e rfondou trimpou, dji nel trouve nén. Djel pinséve trover ezès vîs limeros del Rantoele gazete, mins neni. Did wice k' i vént ? Reptilien.19831209BE1 (copene) 15 di fevrî 2022 a 08:51 (UTC)

C' est dins mes vîs papîs éndjolikes, dandjreus evoyîs pa Lorint. Mins dji nel såreu dater (tchaeke côp ki dj' les candje d' éndjole / di plaece / d' aspougneu, c' est l' novele date).

Mins, sorlon l' ortografeye, ci sereut 1995-1996, la k' on eployive li scrijha ä (c' esteut lu ki l' aveut-st atåvlé). Cwand i l' a rmetou so les fyis (diviè 2000, so s' pådje uzeu mon Skynet, pu so l' Aberteke), i l' a riscrît avou "ae".

Ci sereut don l' pus viye des modêyes, ki dj' a dvou rçure so m' prumire copiutrece e 1994.

--Lucyin (copene) 15 di fevrî 2022 a 09:40 (UTC)

Li P’tit Prince (ratournaedje da Jean-Pol GRANDMONT)

Loukîz a w:Uzeu copene:Jean-Pol GRANDMONT#Réponse. Reptilien.19831209BE1 (copene) 21 di fevrî 2022 a 08:11 (UTC)

Abén ! Dji so bén binåjhe ki Djan-På soeye dacoird (d' eplaidî s' ramidrêye modêye ene sadju, kécfeye cial), et k' i boute co sol walon (c' est s' prumî messaedje so les Wikis dispu des ans et des razans, lu k' a scrît timpesse et eplaidî des barotêyes di foirt belès fotos).

Si dj' comprind bén, li Beldjike ni radjoute nén les anêyes di « moirt pol patreye » del lwè francesse. Et Wikisourd shuvreut les lwès bedjes so les abondroets. Av acertiné çoula ?

--Lucyin (copene) 22 d' fevrî 2022 a 20:37 (UTC)

Si dj' comprind bén, li Beldjike ni radjoute nén les anêyes di « moirt pol patreye » del lwè francesse.

El Beldjike aveut s' prope lwè ki radjoutéve 10 ans po les Bedjes moirts po-z awè fé l' guere. Mins ça c' esteut dvant 1993. I gn a yeu dispu ene directive uropeyinne k' a ralonguî l' moumint ki les ouves d' ene djin moussèt dvins l' dominne publik di 50 a 70 ans après s' moirt, tot rmagnant l' rawete des 10 ans. E-n Urope, i gn a k' el France ki n' a nén shuvou, la k' i fåt todi conter 70 ans (pol dominne publik) + 30 ans (si l' djin est « mort(e) pour la patrie »). I gn a pont d' råjhon k' el Beldjike shuve les lwès francesses ; metans, on n' role nén a 130 km/h so ls otorotes e l' Beldjike, endon ? Por on live (so papî) c' est aprume les lwès uropeyinnes ki pudnut l' dissu, ey après les lwès bedjes. Po Wikisourd, c' est ene miete diferin, cåze ki les sierveus del soce Wikimedia sont-st ezès USA. Po çoula, i nos fåt fé come so Wikisourd e francès, mete on bindea (metans ene miete come çti-lale) po dire ki l' ouve est dzo licince libe e l' Beldjike, mins nén e France ey ezès USA. Ça, on l' pout fé. C'est todi ça d' prin… Reptilien.19831209BE1 (copene) 22 d' fevrî 2022 a 21:38 (UTC)

Gråces, c' est bén clair, asteure. On nel pout nén aberweter a Fromlene, mins bén a Diyon !

Dj' a rmetou l' modêye Hendschel daccion.

--Lucyin (copene) 22 d' fevrî 2022 a 21:45 (UTC)

C' est bén ça, si ene djin d' Fromlene el vout-st aberweter, c' est leye ki prind des risses, nén nozôtes. Dji m' va fé l' modele, tot shuvant çti-ci : fr:Modèle:Mort pour la France. Merci pol modêye da Lorint, paski mi dji n' poleu rén fé. Reptilien.19831209BE1 (copene) 23 d' fevrî 2022 a 06:24 (UTC)

Fwait ! Modele:Moirt pol France. Reptilien.19831209BE1 (copene) 23 d' fevrî 2022 a 07:10 (UTC)

Asteure, po les imådjes (desséns d' Sint-Exupery), come ele ni sont nén libes e l' Amerike (adon, nén metåves so les Cmons), n' elzès pout on nén aberweter cial ?

--Lucyin (copene) 23 d' fevrî 2022 a 08:51 (UTC)

Di c’ timps là

Escrît l' 6 di fevrî u l' 13 d' awousse 2017 ? A responde vaila si vos vloz bén. Reptilien.19831209BE1 (copene) 28 di fevrî 2022 a 09:12 (UTC)

Lès bèrdjîs (tchanson)

Si l' ratournaedje do tecse do diyaleke di Transene eviè l' ci d' Årvaye (a poenne diferint mins diferint cwand l' minme) a stî fwait pa Bruno Picard (aka Bruno d’Aurvaye), c' est lu ki doet dner l' permission po-z eplaidî si ratournaedje, minme si c' est vos k' a scrît l' tecse d' oridjene. Por mete li facsimilè so les Cmons i nos fåreut bén si accoird, pinsîz k' ça s' pôreut fé si dj' eberwete el fitchî, avou les pårticions ? Reptilien.19831209BE1 (copene) 28 di fevrî 2022 a 19:29 (UTC)

mwaisse tecse di Transene: eplaidî dins "L'Avenir du Luxembourg" diviè 1983 (la eto, gn a kécfeye sacwants candjmints d' avou m' tapéscrît). Dji pou rtrover l' copeye cwand dji rserè dins mes waibes (dins 10 djoûs???).

Tecse avou l' accint d' Årvaye: c' est mi ki l' a riscrît po-z esse eplaidî dins les Cayés walons sorlon li prononçaedje da Bruno dins l' eredjistrumint so cassete å Grand Pris del tchanson e walon 1985.

Pårticion et droets pol fitchî audio. Dji doe djustumint rescontrer nosse Bruno enute al nute. Ké no vloz mete pol pårticion (po mete "File:xxx.yyy" dins l' permission)?

--Lucyin (copene) 2 d' måss 2022 a 12:37 (UTC)

El fitchî serè metou dizo l' tite : File:Lucien Mahin, Bruno Picard - Bruno d’Aurvaye tchante Louline Vôye, 1993 (in Les Cahiers Wallons, num. 10, p. 145-163).djvu. Reptilien.19831209BE1 (copene) 2 d' måss 2022 a 16:04 (UTC)

Fwait djusse asteure.

--Lucyin (copene) 2 d' måss 2022 a 20:21 (UTC)

Fwait ! Metou so les Cmons. Dji n' sai nén si vos l' savoz, mins gn a vaici on fôrmulaire po fé ene dimande d' ene manire pus simpe. Dji n' sai nén çou k' ça våt, dji nel a måy eployî. Reptilien.19831209BE1 (copene) 3 d' måss 2022 a 06:48 (UTC)

Gråce pol racsegne. Dj' el sayrè onk di ces djoûs.

Ratourneures da Mimile Petcheur

Come vos avoz decidé d' èn nén shuve el djivêye metowe sol waibe Li walon d’ èmon nozôtes, mins d' dispårti les ratourneures, pacôp sorlon l' tinme (Ratourneures sol tiesse, Ratourneures so les djambes), et k' vos estoz l' seu a sawè cwè fé, dji va sayî d' fini l' djivêye et vos rarindjrè après sorlon voste idêye. Mi dj' åreu tot metout sol minme pådje… Sol waibe c' est dispårti e 19 bokets, gn a-t i ene råjhon a çoula ? Reptilien.19831209BE1 (copene) 7 di måss 2022 a 08:10 (UTC)

Dj' a shuvou l' eredjistrumint da Mimile, k' esteut fwait pa tinme.

19 bokets, paski dj' endè meteu tos les djoûs ene "paltêye". Dj' elzès rcopyive al mwin, si dj' el tén bén.

Fijhoz çou k' est l' pus "normå" po Wikisourd. On voerè bén cwè après po les eredjistrumints.

--Lucyin (copene) 7 di måss 2022 a 08:52 (UTC)

A, ça vout dire k' i n' fåt nén tni conte des 19 bokets. Li pus normå po Wikisourd c' est d' shure li seu sourdant k' est cnoxhou do publik pol moumint, li waibe do walon d’ èmon nozôtes, ey adon tot mete so ene seule pådje tot shuvant les limeros. Dji n' so nén disconte l' idêye ki vos shuvoxhe l' eredjistrumint da Mimile, fwait pa tinme, mins adon vos estoz l' seu a l' sawè fé. L' ôre diné sol waibe ni shonne nén esse el minme ki l' eredjistrumint : on l' voet bén avou les limeros 9-11 + 16 + 21. Reptilien.19831209BE1 (copene) 7 di måss 2022 a 10:45 (UTC)

Oyi, fijhoz tot so ene seule pådje, come sol waibe. C' est trop målåjhey di rmete pa tinme, come so l' eredjistrumint.

--Lucyin (copene) 7 di måss 2022 a 15:15 (UTC)

Dj' a cmincî a tot rmete eshonne (avou ene miete d' epådjnaedje). Et pol tite, on wådreut Ratourneures da Mimile Petcheur ou on metreut Rimas du d’dins l’tins ? Reptilien.19831209BE1 (copene) 7 di måss 2022 a 19:43 (UTC)

« Rimas du d’dins l’tins », c' est l' tite di ses deus lives, ki n' sont nén vormint des ratourneures. C' est puvite des ptitès prôzes. Dji wådreu purade Ratourneures da Mimile Petcheur.

--Lucyin (copene) 8 di måss 2022 a 09:13 (UTC)

Li bijhe eyet l’ solea s’ bretine

Poloz dmander a Flipe Boula s' i vout bén coridjî dins l' erfondaedje da Djan Cairon (lº 121, pont Mont-Saint-Guibert) : « fwârt » → « foirt » ? Il est scrît comufåt deus côps après. Dji m' dimande eto s' i n' fåreut nén coridjî « el cénk » → « el cén », mins come il est scrît avou on K dins l' modêye e Feller (todi da Djan Cairon ?), et k' dji voe eto « esteuve » ≠ « esteut », fåt i comprinde ki c' est purade sicrît e rfondant namurwès ? C' est ene miete damadje k' il est prezinté come « rifondou walon » sol waibe do Djåzant atlasse. Reptilien.19831209BE1 (copene) 25 di måss 2022 a 08:31 (UTC)

oyi, c' est do rfondant. On l' a prezinté insi dins des raploûs d' linwincieus.

dji lyi va scrire tot ça.

--Lucyin (copene) 25 di måss 2022 a 10:07 (UTC)

Dji lyi a dmandé po l' etikete et po "fwârt" => foirt e rfondant.

Li modêye e Feller, c' est mi ki l' aveut riscrît, å rschoûter l' prononçaedje.

"li cénk" va dins on rfondant ki saye di wårder des piceures coinreces ki n' ont nén stî ritnowes e rfondou (c' est: li ci). => e rfondant + e Feller.

--Lucyin (copene) 25 di måss 2022 a 18:45 (UTC)

3 kesses

Loukîz a Uzeu copene:Reptilien.19831209BE1#A disfacer, divant d' disfacer.
Vos avoz radjouté l' tecse Bondjoû, wèsène, dwèrmez-ve èco (Delbouille, 1938), avou wèsène dins l' tite, mins wèzène dins l' tecse. Come c' est on replaidaedje, avou rortografiaedje d' après çou k' dji voe (AU ≠ Ô), del modêye da Doutrepont, dj' a dvou fé ene pådje d' omonimeye. Mins si dins l' modêye da Delbouille c' est bén wèzène adon i nd a nén dandjî. Come dji n'a nén l' eplaidaedje da Delbouille dizo l' mwin, el sårîz dire, vos, c' est l' kéne l' ortografeye li boune ?
Po Les mounis, si vs avoz les ôtès pådjes, dji les vou bén po ndè fé on facsimilè.

Reptilien.19831209BE1 (copene) 2 d' avri 2022 a 13:17 (UTC)

Singuliers & Delbouille: dji vos dirè cwè dins 3 samwinnes, cwand dji rserè dilé m' bibioteke (plait-st a Diu !!!)

Les mounis: dji vos ls evoye.

--Lucyin (copene) 5 d' avri 2022 a 23:19 (UTC)

Evoyî pa emile li scanaedje di "Les mounis" p. 2 et des fotos di troes noyés walons do live Paul Piron.

--Lucyin (copene) 12 d' avri 2022 a 09:29 (UTC)

Quénze ans èt dès pouchêres

Loukîz cial et la. Reptilien.19831209BE1 (copene) 26 d' avri 2022 a 07:15 (UTC)

dj' a rmetou tos les tecses mancants.

--Lucyin (copene) 26 d' avri 2022 a 15:09 (UTC)

Boket des sovnis d’ on gamén d’ Årdène

Léon Bukens a-t i dné si otorijhaedje po-z eplaidî minme on boket d' si live ? Vike-t ele co ci bråve djin la ? Reptilien.19831209BE1 (copene)

Dji croe k' i vike co. I s' a rsaetchî come "doetoe" del Wallonne la èn an u deus.

Ça fwait lontins ki dji pinse lyi dmander. El ploz fé: seldibin55p

agmailm.com

--Lucyin (copene) 26 d' avri 2022 a 16:59 (UTC)

Oyi, dji va vey ça. Merci. Reptilien.19831209BE1 (copene) 26 d' avri 2022 a 17:39 (UTC)

Fwait ! Reptilien.19831209BE1 (copene) 27 d' avri 2022 a 06:28 (UTC)

Li Marsèyêse dès Walons

Sereut c' el minme Émile Lecomte (Wikidata, El Lovire (u Lovén sorlon les sourdants) 1870 – Anderlek 1935) k' on trouve dins c' fitchî ci ? Reptilien.19831209BE1 (copene) 27 d' avri 2022 a 09:15 (UTC)

Loukîz eto l' modêye e francès k' il åreut scrît : Les collections du Musée de la Vie wallonne. Reptilien.19831209BE1 (copene) 27 d' avri 2022 a 09:46 (UTC)

Nén seur po les dates 1870-1935, si l' modêye francesse est di 1946, come acertiné vaici... Reptilien.19831209BE1 (copene) 27 d' avri 2022 a 09:53 (UTC)

Emile Lecomte, askepieu del gazete La Nervie (El Lovire) ??? Reptilien.19831209BE1 (copene) 27 d' avri 2022 a 12:41 (UTC)

Les schaesseus

Dimwin, dji va mete el facsimilé po l' oridjinå. Pol modêye erfondowe, si vs avoz l' tins del rilére divant del mete divins l' Depot :

Nos vîs ratayons ont todi stî rconoxhus come des grands beveus d’ bire.

Reptilien.19831209BE1 (copene) 29 d' avri 2022 a 20:37 (UTC)

Rèqwiyèm po m’ soçon

I nos fåt l' permission da Bernard Van Vynckt, si vos vloz bén. Reptilien.19831209BE1 (copene) 3 d' djun 2022 a 07:12 (UTC)

C'est lu ki m' a evoyî l' emile do tecse. Dji lyi aveu dmandé l' åjhmince adon, mins i n' est nén foirt "internete". Ploz atôtchî si eplaideu, RCF (contact.sudbelgique@rcf.be), k' ont l' air d' esse bén å corant des cayets d' internete, zels ? Vos lzî esplicroz mî k' mi, et motoit lzî dmander des "sayoes" (on tecse u deus) di ses ôtes lives (Rastrind saiss 1, + "fåves so les curés" (tite a l' apôprès).

(Dji vén d' elzî evoyî l' hårdêye del Rantoele 102 avou l' conte-rindou di Rastrind saiss 2).

--Lucyin (copene) 6 di djun 2022 a 09:30 (UTC)